آپیس — اسكی مصرلیلرك معبود اعتقاد ایتدكلری و دائما
بولندیروب تقدیسه مجبور اولدقلری بر اوكوزك اسمیدر بو اوكوزك
اناسی صاعقه+دن هلاك اولمش اولمسی و توكی كاملاً سیاه اولوب الننك
اورته+سنده مثلث الشكل بر بیاضی و صرتنده قرتال قوشی رسمنده بر اشارتی
و بویننك التنده كوچك بوجك كبی و صاغ طرفنده هلال قمر كبی علمتلری
بولنمسی شرط ایمش و بو اوكوز مصرلیلره یكرمی بش سنه حاشا
تكریلق ایتدكدن صكره مطنطن آلای ایله كوتوریلوب نیله آتیلور و یرینه
بشقه+سی تدارك اولنور ایمش. بو اوكوز حریفلر قرە+كیك و آتمجه كبی
بعض حیواناتی دخی تقدیس ایدرلر ایدی.
)منه ویس) دخی مصرلیلرك بر مقدس اوكوزی ایدی لكن بو
اوكوزك وجودی اولمیوب یالكز بر هیكلی موجود و بو هیكل شمسك
صورت مثالیه+سی اولمق اوزره معروف ایدی.