لغات تاریخیه و جغرافیه

Lugat-ı Tarihiyye ve Coğrafiyye

دیكتاتور

Diktatör

دیكتاتور — حاكم مطلق معناسنده+در اشبو حاكم اك زیاده مدت مأموریتی التی آی اولمق اوزره قونسللر طرفندن تعیین اولنور و غایت عالی بر نفوذه مالك اوله+رق رفاقتنده یكرمی درت لیكتور ایله یورر و محاربه و مصالحه یاپار فقط اهالینك رخصتی اولمقسزین خزینۀ دولتی استدیكی كبی قوللانه+مز و ایتالیادن تباعد ایده+مز ایدی. برنجی دفعه بو مأموریتی احراز ایدن (لاریتوس) اولوب دیكتاتورلق دخی مومی الیهك تكلیفی وزرینه (٥٠٩٦ خ) تاریخنده یعنی میلادك درتیوز طقسان سكز سنه مقدمنده احداث اولنمشیدی. اشبو حاكمیت اولا (پاتریسیه+ن)لر طرفندن اجرا ایدلدیسه ده مؤخراً (پله بین)لر دخی حصه+دار اولدیلر دیكتاتورلرك اك مشهورلری سنسیناتوس و قامیل و پاپیریوس و سیللا و سزار اولوب بونلر دائمی صورتده تعیین اولنمشلردر.