دیسان — اورفه شهری كنارندن جریان ایدن نهوك و (١٢٢ م) تاریخنده اورفه راهبی بولنان (ابن دیسان) ك ایجاد ایلدیكی (دیسانیه) مذهینك اسمیدر. مرقوم بو مذهبی مجوس اعتقاداتندن انتخاب ایدرك ترتیب ایلدی دیسانیه مذهبنده بولنانلر شمسی اب الحیاة و قمری ام الحیاة اعتقاد ایدوب بو عالم سفلاده وقوعیافته اولان هرنمو و فیضك بونلرك آی باشلرنده اجتماعلرندن متولد اولدیغنه ذاهب اولورلر و حق تعالی+یه هردرلو
عباداتی باطناً اجرا ایتملیدر و انسان كندی اوز والده وكریمه+سیله تزوجنده بأس یوقدر دیرلر ایدی. مجوس فرقه+لرندن بعضیلری دخی ابن دیسانك دیدیكنه مشابه اولهارق نور ایله ظلمتی اصل اعتبار ایدوب نوره اصل قدیم و ظلمته اصل محدث دیرلر ایسه ده اندن ایلروسنه كیتمزلر.
بو اعتقاد عصر اسلامده دخی بر مدت دوام ایتدی حتی ابو الخطاب بن ابی زینب كوفه دیسانیلرینك رئیسی ایدی مرقوم مریدلرینه بكا قلیج كار ایتم دیر ایكن عساكر اسلامیه واروب اخذ و اعدام ایدە+جكلری اثناده مریدلری سن بكا قلیج كار ایتمز دیر ایدك شمدی بو حال ندر دیدكلرنده الله استدیكی زمان بنم حیل و خدعه+مه قارشو بویله یاپه+جغنی سویلمش ایدی دیدی.