دیدون الیز — (تیر) یعنی (صیدا) حكمداری (پیك مالیون)ك قرنداشی شیسه+نك زوجه+سیدر. حكمدار مشارالیه (٤٧٣٤ خ) تاریخنده یعنی میلادك ٨٦٠ سنه مقدمنده قرنداشنی مالنه طمعأ اعدام ایتدیكی زمان مشارالیها متعلقاتیله برابر بحراً (اوتیك) كورفزینه فرار و اوراده (قارتاجنه) شهرینی تأسیس ایدرك حكومتنی اعلان و اشهار ایلمشیدی. بر روایتده (دیدون) پیك مالیونك همشیره+سی و (شیسه) انشته+سیدر. (قارتاجنه) كلمه+سنه دخی باقیله . دیرالقمر — سوریه+ده عكانك شمال شرقیسندن طقسان كیلو مترو مسافه+ده درزی و خرستیان ایكی بیك نفوسی و بر مناسترایله بر كلیسایی حاوی قصبه+در.
١٨٦٠ م و ١٢٧٧ ه) تاریخنده درزیلر بوراده بولنان خرستیانلری قتل عام ایتدكلرندن مظهر عقوبات اولدیلر. جوارنده درزیلرك امرینه مخصوص بر اقامتكاه ایله دیكر بر مستحصن قصر موجود ایدی.