دهلی — نام قدیمی (اندرا پراستها) یعنی اندرا مسكنی دیمكدر. وقتیله بیوك مغول دولتنك مقر اداره+سی ایدی. (جومناه) نهرینك صاغ كناری اوزرنده و قالكوته+نك شمال غربیسندن بیك اوچیوز و اكبرە+نك شمال غربیسندن یوز سكسان كیلومترو مسافه+ده كائندر. ابنیۀ مشهوره+سی و غایت جسیم جوامعی ایله (كتب منار) نامنده سكسان مترو ارتفاعنده بر قله+سی واردر.
١٨٥٨ م و ١٢٧٥ ه) تاریخنه دكین دهلیده بیوك مغوللرك وارث حقیقیسی ساكن اولوب بونلره نظارت ایتمك ایچون انكلیزلر طرفندن بر مأمور تعیین
اولنمشیدی. دهلی تیمورلنكك ید ضبطنه كچوب یغما اولندقدن صكره (١٦٣١ م و ١٠٤١ ه) تاریخنده جهان شاهك زمان استیلاسنده كسب عمرانه باشلامش و (اورنك زیب) خان زماننده فوق العاده بر معموریت حاصل ایتمش ایكن اشبو پادشاهك وفاتی اوزرینه ینه انحطاطه یوز طوتدی و ١٧٣٩ ده نادر شاه طرفندن ضبط ایدیلوب درون و برونی قانلرله تلوین اولندی (اشبو محاربه+ده غالبلرك آلمش اولدقلری مال غنایم اون ملیار غروش قیمتنده ایدی دیرلر ١٧٦٠ ده دخی ماهراتلر طرفندن آلنوب نهایت ١٨٠٣ تاریخنده انكلیزلرك ید ضبطنه كچدی و ١٨٥٧ تاریخنده اهالی رفع لوای قیام ایتدیسه ده او سنه ینه باصدیرلدی
قدیم دهلی ایالتی شمالاً (لاهور) جنوباً (اكبره) جنوب شرقیده (اواد) و جنوب غربیده (مولتان) ایله تحدید اولنور طولاً ٥٠٠ و عرضاً ٢٧٠ كیلومترو مربعنده اولوب تقریباً التی ملیون نفوسی جامع ایدی. الیوم دهلی همان كاملاً انكلیزلرك ید استیلاسنده و كلكوته ایالتی داخلندە+در. اوروپالیلر بوكا (دلهی) دیرلر.