لغات تاریخیه و جغرافیه

Lugat-ı Tarihiyye ve Coğrafiyye

ده+موقریت

Demokrit

ده+موقریت — حكمای یونانیه+دندر (٥١٠٤ خ) تاریخنده یعنی میلادك (٤٩٠) سنه مقدمنده (آیدر) شرنده تولد ایتمشدر یونانستانک مشهور دارا استیلاسنه اوغرادیغی صره+ده مملكتنده توطن ایتمش اولان و (ماژ) تعبیر اولنان پاپاسلردن تعلم علوم ایتدكدن صكره تكمیل فنون ایچون مصر و آسیا طرفلرینه سیاحت ایلدی و تحصیل یولنده كافۀ ماملكنی بتورمكله وطنداشلرینك هدف تیر تعریض و موأخذە+لری اولدیغندن تبریۀ ذمت ایچون هیئته دائر جمع ایلدیکی بر اثری همشهریلرینه اوقویوب اكلادە+رق نظر تحسینلرینی جلبدن بشقه برچوق عطیه+لرینه دخی نائل اولدی. صورت تعیشنده مشهود اولان غرابت اوزرینه مومی الیهك جنتنه ذاهب اولان همشهریلری تداویسنی بقراطه توصیه ایتملریله یقراط دە+موقریت بعد المعاینه توصیه ایدنلره (بو آدم دلی دكل بلكه بورایه كتورنلر) دیمشدر (دە+موقریت) یوز طقوز سنه معمر اولمشدر. خكمای یونانیه+دن (هراقلیط) دائما اغلامقله شهرت بولدیغی كبی بو دخی هربار انسانلرك افعال مجنونانه+سنه كولمك ایله شهرت بولمش ایدی.