آپیروس یاخود (اپیر) — غرباً یونان دكزی و ایللیریا
و شرقاً (تسالونیا) ایله محدود اولان و ارنودلغك جهت جنوبیسندن
عبارت بولنان قطعه+نك اسمیدر. بوراسی (١٦٧ م) تاریخنده روما
دولتنه انتقال ایدوب (١٣٣٥ م و ٧٣٦ ه) تاریخنده دولت عثمانیه+یه
كچدی و بر مدت تحت حمایه+ده بولندیسه ده پرنسی اولان اسكندر بك
استقلال داعیه+سنه دوشدیكندن برقاچ دفعه تربیه ایدیلوب نهایت
(١٤٦٧ م و ٨٧٢ ه) تاریخنده حرباً اخذ و طوغریدن طوغری+یه اداره اولنان ممالك صره+سنه ادخال اولندی. اپیروسك نصفی الیوم یانیه ولایتی دیمكدر