دە+قارت — فرانسه مشاهیر حكماسندن اولوب (١٥٩٦ م و ١٠٠٥ ه) تاریخنده تورنده لاهی شهرنده تولد ایتمش و اللی درت یاشنده وفات ایلمشدر. مومی الیه زادكاندن اولدیغی حالده فرانسه+نك (فلش) مكتبنده جزویتلردن علم فلسفه وسائره+یی كمالیله تحصیل ایتدكدن و بر ارە+لق كوكللی یازیلوب بر مدت دخی عسكرلك خدمتنی ایفا ایلدكدن صكره تبدیل مسلك و المانیا و فلمنك و ایتالیایه عزیمت و مشاهیر حكما ایله مصاحبت ایدوب نهایت امستردام و عموندده اختیار اقامت ایلدی و حكمت طبیعیه و فلسفه و هیئته دائر اثرلری فراتسزجه نشر اولنمغه باشلادقده طوتدیغی مسلك بعض اعتراضه اوغرادیسه ده طرفدارلری دخی اكسك اولمدی و (مازارن)دن معاشه نائل اولدی و مؤخراً اسوج قرالیچه+سی (استوقهولم) شهرینه
عودت ایتمكله كیتدیسه+ده براز صكره اورانک صغوغنه طیانه+مدیغندن وفات ایلدی. مومی الیه فن جبرده ایجاد ایلدیکی بر اصولی منحنیاته تطبیق ایدرك منحنیاته متعلق غیر ممكن ظن اولنان بر چوق مسائل هندسیه+یی سرعت و سهولتله حل ایتمك طریقنی بولمشدر