دون نام دیكر (تنایس) — آوروپای روسیده بر نهردر (قولا) ایالتنده (یوان اوزه+رو) كولندن نشأتله جنوبه و مؤخراً نامنه منسوب دون قزاقلری ممالكنه دكین جنوب شرقی+یه آقدقدن صكره غرب جنوبی+یه طوغریله+رق ١٤٨٠ كیلومترو مسافه ایلروده آزاق دكزینه دوكیلور. سالف الذكر دون قزاقلری ممالكی آوروپای روسی ایالتلرندن بری اولوب
ًغرب و شمال غربی جهتلرنده (ورونژ) و (ایكاترینوسلاو) ایالتلری جنوبا قافقاسیه و بحر آزاق و شرق و شمال شرقی طرفلرنده (اژدرهان) و (ساراقو) ایله تحدید اولنور طولاً ٥٤٠ عرضاً ٤٥٠ كیلومترو مسافه+یی و التی یوز بیك اهالی+یی جامعدر مقر اداره+سی (چرقاسق) شهریدر اراضیسی مستوی و غایت كوزل مرعالرله معمور اولدیغی كبی كوزل اتلری دخی چیقار.