دولون — مشاهر ارباب حكمتدندر و (١٧٨٥ م و ١٢٠٠ ه) تاریخنده (روان) شهرنده طوغوب (١٨٣٨ م و ١٢٥٢ ه) تاریخنده
پارسده وفات ایلمشدر اولا علم طب و مؤخراً فنون سائره+ده كسب مهارت ایلدكدن صكره پارسده بولنان نورمال و فنون مكتبنده علم كیمیا و حكمت خواجه+سی و داها صكره درس ناظری و اقادیمی اعضاسی اولدی.
دولون علم حكمت و كیمیانك ترقیاتنه پك چوق خدمت ایلمشدر شویله که (١٨١١ م) تاریخنده طوزلرك یكدیریله تحلیلنی و(١٨١٥)ده (اسیدونیترو)یی و سفورك مولدالحموضه ایله بعض تركیباتنی و (قلور و آزوتی) كشف ایدوب اشبو كشف اخیری اثناده تجربه ایدركن بر كوز و بر پرماغنی ضایع ایتدی.
مومی الیهك كشفیات مزبوره+سندن بشقه مختلف هوا تضییقلری تحتنده بولنان صو بخارینك قوۀ الاستیقیه+سنی و اجسامك حرارت و ثقلتنه دائر بعض خصوصاتی دخی (ارغو) و پتی ایله برلكده كشف ایلدی. اکثر تألیفاتی حكمت و كیمیا كتابلرنده مندرجدر.