دوكوملی — اسمی حافظ مصطفی مسقط رأسی (اماصری) مجاذیب الهیه+دن و مظنۀ كرامدن بریدر. بو ذات سردار اكرم لاز احمد پاشانك امامی اولوب (١٨٠٧ م و ١٢٢٢ ه) تاریخنده مشارالیه ایله (یر كوك) محاربه+سنده بولنمش و مؤخراً هر نصلسه بر حال مجذوبیته دوشه+رك كندوسنی غیب ایلمشدر. كوندزلری سلطان احمد جامع شریفی اطرافنده و كیجه+لری او جوارده+كی عربه+جی باشی بودرومنده وقتنی كچورر و كیدیكی كیرلی و كاملاً دوكمدن عبارت اولان اثوابی طارتلمق لازم كلسه اون بش یكرمی اوقه كلور ایدی. وفاتی (١٨٦٦ م و ١٢٨٣ ه) تاریخنده و تربه+سی مذكور بودروم ایچنده+در. ارتحالی حقنده سویلنان تاریخ بی مثیلدر
)علایق عقده+سن چوزدی دوكملی قید هستیدن)
١٢٨٣
ًعاش سعیداً ومات شهیدا
١٢٨٣