دوق — لاتین لساننده (دوقس) جنرال كبی مستعمل بر عنواندر اشبو عنوان روما ایمپراطورلغنك ازمنۀ اولیه+سندن بدأ ایدر (٢٧٦ م) تاریخنده (پروبوس) نام ایمپراطور زماننده دوق عنوانی یالكز عسكری جنراللره دینمیوب ایالت داخلنده بولنان بالجمله قونسل و والیلره دخی اطلاق اولنور ایدی صكره یعنی قسطنطین زماننده اشبو عنوان كسب اهمیت ایتمكه باشلادی. اولوقت غرب ایمپراطولغنده اون اوچ و شرق ایمپراطورلغنده اون ایكی دوق بولنور ایدی باربارلرك استیلاسی زماننده موجود اولان دوقلرك اكثریسی بولندقلری اداره+ده كسب استقلال ایتدیلر باویرا و المان دوقلری دخی بو قبیلدندرلر. سكزنجی عصرده فرانسه+ده (اود) نام (اكتنین) دوقی دوقالغی كندی انسال و احفادینه نقل ایتدیردی و اوننجی عصرده صوك (قارلونژیه+ن)لرك زماننده دوقلره مودوع اداره+لر شكل وراثت و امارته تحول اولندی لكن ( قایه+سیه+ن)لر زماننده قراللغك اقتدار جسمانیسی تزاید ایتمكله برابر دوقلرك نفوذی تدنی+یه باشلادی و نهایت دوق عنوانی نجابت و رتبه+یه منحصر قالدی و (١٥٦١ م و٩٦٩ ٥) تاریخنده طقوزنجی شارل موروث اولان دوقه+لقلرك اركك اولاد اولمدیغی حالده دولته قاله+جفنی مبین بر امر نشر ایلدی و فرانسه بیوك اختلالی زماننده بتون بتون لغو اولنوب ١٨٠٦ تاریخنده ینه تجدد ایلدی.
)آرشیدوق) اوستریا خاندان حكمرانیسنه مخصوص عنوان اولدیغی كبی (غران دوق) دخی روسیه خاندان حكمداریسنه خاص بر عنواندر.