دوز اوغلی — زمان سلطان محمود خان ثانیده ضربخانه صرافی ایدی. (١٨١٨ م و ١٢٣٤ ه) تاریخنده بعض خصماسنك غمز و نفاقیله كوریلان محاسبه+سنده یكرمی ایكی كیسه ذمت كوسترلمسنه و علیهنده دها برچوق سعایتلر ایدلمسنه بناء بالا عدام مالی كاملاً ضبط و مصادره اولندی و اوروپایه فرار ایده+بیلان بر قرنداشندن بشقه كافۀ متعلقاتی نفی و تغریب ایدلدی. او صره+ده دیمتوقه+ده منفی بولنان ضربخانه امینی عبدالرحمن بكك دخی سر مقطوعی درسعادته كتورلمشدر. اولوقت دوز اوغلنك آخورنده اللی التمش باركیر وار و ممشا نعلینلری بیله انجو و یاقوت ایله مزین دیو بر چوق تواترلر چیقمش ایدی.