دوران دم — جسم ذی روحده دوران دم قان دنیلان ماده+نك قلب واسطه+سیله شریانلره دفع و طمرلر معرفتیله قلبه رجوعندن عبارتدركه بو اثناده قانده برچوق تبدلات و قوعبولور بونی (١٦٢٨ م و ١٠٣٨ ه) تاریخنده (حاروی) نام دوقتور كشف ایلدی.
نباتاتده دوران دخی نباتاتك تراب و هوادن بلع و اخذ ایلدیكی مواد مغدیه+یی هر قسمنه نقل و توزیع ایلمسیدر مواد مغدیۀ مذكوره اولا جسم الیافینك اوعیه+سی واسطه+سیله یپراقلره قدر صعود ایدوب هوا ایله تماس ایتدكدن صكره بر قسمی اغاجك اقسام مختلفه+سنك تنمونه مقتضی وسائطی تدارك ایتمك و دیكر قسمی ضمغ و رچنه كبی موادی حاصل ایلمك اوزره نزول ایدر.