دوتروشه — مشاهیر ارباب فنوندن بر ذاتدر (١٧٧٦ م و ١١٩٠ ه) تاریخنده فرانسه+ده ظهور ایدن اختلال اثناسنده دوچار ضرورت و بالاخره مجبور هجرت اولان بر اصلزاده صلبندن دنیایه كلمشیدی. مومی الیه متعدد سفرلرده اردولرك خدمت طبابتنده بولنوب مؤخراً (شاتورینو) نام محله چكیله+رك اوراده مطالعات علومه حصر همت ایلدیكی حالده ١٨٢٨ تاریخنده فنون آقادمیاسنه انتخاب اولدیغنه بناء پارس شهرینی محل اقامت اتخاذ ایلدی. صدایه متعلق نظریاتی و نباتاتك نشو و نما و تجدداتی اوزرینه نحریاتی و احوال عظامه و نباتات ایله حیواناتك بنیۀ داخلیه+سنه و یمورطه ایله جنینك نشو و نماسنه دائر تدقیقاتی شایان تقدیردر ١٨٣٧ تاریخنده حیوانات و نباتاتك تاریخ تشریحنی و تركیب اجزای حیوانیه حقنده اولان كافۀ آثارینی مجملات نام كتابنه درج ایتمشدر.