دمیاط — مصرده دكزدن طقوز و قاهرە+نك شمال شرقیسندن یوز التمش كیلومترو مسافه+ده اوتوز بیك نفوسی حاوی بر شهردر. بانیسی
)طامیاط) بن اشمس بن مصرایم اولدیغی و بو نام (دمیاط) قدرت ربانیه معناسنه ایدوكی بعض تواریخده محرردر. دال معجم ایله (ذمیاط) دخی یازیلور. فرانسه قرالی (سن لوئی) بوراسنی (١٢٤٩ م و ٦٤٨ ه) تاریخنده (منصوره) شهریله برابر ضبط ایدوب دیكر بر محاربه+ده مصرلیلره اسیر دوشمكله قانی بهاسی اوله+ارق ینه ترك ایلمشیدی. دمیاط قرون وسطاده بحری و غایت مشهور بر مملكت ایدی اسكی دمیاط اون اوچنجی عصرك نهایتنه طوغری منهدم اولوب طرف جنوبیسندن التی كیلومترو بعد و مسافه+ده شمدیكی یکی دمیاط تأسیس اولندی بوراده قبطیلرك بر باش پسقپوسلغی واردر. پك اعلا پرنجی اولور.
(١٨٤٨ م و ١٢٦٥ ه) تاریخنده جزایرده تشكل ایدن زراع كوچلرینه دخی دمیاط نامی ویرلمشدر.