دلفی — یونانستان قدیمده (پارناس) طاغی جهت غربی و جنوبیسنك اتكلری اوزرنده مبنی اولوب الیوم (قاسترو) نامیله معروف بولنان شهرك نام عتیقیدر. وقتیله (آپولون) معبد مشهورینك موقعی اولمق مناسبتیله هركسجه بر بلدۀ مقدسه طانینور و ثروت و غناسیله برابر یونان مجلس عمومی مبعوثاتنك برنجی مركز اجتماعی اولدیغندن مملكتلرك اك مشهور و ممتازی عد اولنور ایدی. میلادك اوچ یوز اللی بش سنه مقدمندن اوچ یوز قرق بش سنه مقدمنه دكین وقوعبولان محاربات اثناسنده (فیلومه+ل، انومارن، فپلا ، قاله+ق) نام اشخاص بوراده موجود ذیقیم اشیانك چوغنی غصب ایتمشلردر. اشبو (آپولون) معبدینه لاجل الزیاره كیدن كیمسه+لر پاره و هدیه+لرله پاپاسلری اقناعدن صكره ایچرو قبول اولنور و یكدیكره صارلمش اوچ ییلان شكلنده معمول بر كرسیده جالس اولان (پتیه) نام كاهنه قاری نزدینه كوتوریلور و قاری دخی كرسیدن چیقان رایح طیبه ایله توتسیلندكدن و اغزیله دفنه یپراغی چیكنه+یوب توكوردكدنصكره صاچمه+یه اغاز ایدر و هركس سویلدیكی سوزلره كمال دقتله معنی ویرمكه چالیشور ایدی. ذكر اولنان كرسی روما پای تختنك درسعادته نقلی اثناسنده كتوربلوب سلطان احمد میداننه ركز ایدلمشدركه الیوم بورمه+لی دیرك دیرلر ییلانلرك باشلری دخی وار ایمشسه ده صكرە+دن قیریلمشدر. دیكر بر روایته كوره یونانیلر (۵۱١٤ خ) تاریخنده یعنی میلادك درت یوز سكسان سنه مقدمنده عجملره چالدقلری غلبه+یه نشانه اولمق اوزره كرسیء مذكوری (دلفی) یاخود (مغارا) بلده+سنه ركز ایتدیرمشلردر.