دلارام چنكی — ملوك فرس قدیمدن بهرام كورك جاریه+سیدر. ظرافت طبعی ایجابی افندیسی هرنه سویلسه اكا مناسب و مفرح بر جواب ویرمك و بنا برین بهرام سیر و شكاره چیقدقجه آنی برابر كوتورمك عادتلری اولدیغندن بر شكاركاهده جاریۀ مزبوره علی العاده یاننده ایكن اورماندن بر ارسلان ظهور ایتدكده بهرام همان (مبالغۀ عجمانه یوغیسه) ارسلانك قولاقلرندن طوتوب ضبط ایتمكله معرض تفاخرده (منه آن پیل دمان و منم آن شیریله) دیمش و درعقب دلارام دخی (نام بهرام تراو پدرت بوجیله) جوابنی ویرمكله بهرام بو كلامك طرزندن یعنی موزون و مقفی دوششندن خوشلانوب عقلا و حكماسنه عرض و اعلام ایله نوعما قانون شعری وضع ایتدیرمشیدی (چونكه او وقتلر شعر دها نه اولدیغی معلوم دكل ایدی. بعدالاسلام دخی فارسده سویلنان شعر شو مصراعدر (غلطان غلطان همی رود تالب كور) بونی یعقوب صفارك اوغلی بر بیرام چوجقلرله (چقوره
جویز) اوینارلر ایكن آتدیغی سكز اون جویزك بری طیشاروده قالوب بعده یوارلانه یوارلانه چقوره دوشدیكنده نشاطیاب اوله+رق سویلمشدر. مومرالیه یعقوب ایكی یوز اواسطندن اوچ یوز اواخرینه دكین خراسان و سبحستانده حكومت ایدن ملوك (صفاریه)نك اولیدر. صاری باقرجیلق صنعتندن یتشمه اولمسیله (صفار) دیو ملقب ایدی بعده بو لقب احفادینه دخی عنوان امتیاز اولدی.