لغات تاریخیه و جغرافیه

Lugat-ı Tarihiyye ve Coğrafiyye

دقان

Dekan

دقان — هندستان غربی دنیلان شبه جزیره+نك منتهای جنوبیسندن عبارت اراضیء وسیعه+دركه (غانژ) نهرینك بریسنده بولنور. وقتیله بوراسی شمال شرقی و جنوبی دقان ناملریله ایكی+یه تقسیم اولنور و اولكی (كاندش، اورنك آباد، پیشاور، حیدرآبا؛ بیدر؛ برار، غاندوانا، اوریسا ، سیركاد) شهرلرینی ایكنجیسی دخی الیوم (قارناتیك) نامیله معروف (قانارا ، مالابار، قوچین، تراوانكور، قوایمقور، سالم ویا بارماهال، مایسور؛ بالاغان) شهرلرینی جامع بولنور ایدی. الیوم شمال غربیده تربودا و جنوب شرقیده كیستناه بیننده واقع اولان نواحی+یه دقان اطلاق اولنور. اشبو قطعۀ جسیمه خیلی زماندن برو بر خصوصی حكمدارلق تشكیل ایلدیكی حالده اون یدنجی عصرده (اورنك زیب) خان طرفندن فتح و تسخیر اولنوب وفاتی اوزرینه برچوق كوچك امارتلره انقسام و مؤخراً بالتدریج انكلتره دولتی ممالكنه انضمام ایلدی. الیوم دقان هندستانده بومبای ایالتنك قسم اعظمی ایله قالكوته+نك جانب غربیسنی تشكیل ایلر نفوسی اللی ملیوندر.