دقاق — كبار اولیادندر و كنیه+سی ابو علی مسقط رأسی نیشابور تاریخ وفاتی (١٠١٤ م و ٤٠٥ ه) سنه+سیدر. علی ملاءالناس تضرع و مناجات عادات بهیه+لرندن ایدی. ارتحالندن صكره بر ذات رؤیاسنده پك كریان كوردیكندن سببنی صوردقده (تكرار دنیایه كیتمك و هركسك قپوسنی قاقوب آكاه ایتمك استرم) دیو شفقت عمومیه+سنی اظهار ایلمشدر بو حالده (دقاق) لقبی بعد وفاته تلقیب ایدلمش ظن اولنور. مشهور امام (قشیری) حضرتلری بو ذاتدن استفاضه ایلمشیدی.