دسیوس یاخود (دقیوس) ویاخود (دقیانوس) — روما شرق ایمپراطورلرندندر. مشارالیه روما سیناتو اعضاسندن ایكن (٢٤٩ م) تاریخنده ایمپراطور (فلیب) طرفندن غوتلرك اوزرینه كوندرلدكده امرای عسكریه ایله اویوشوب اردوده روما ایمپراطورلغنی اعلان ایلمش و (فلیب) كیفیتی اكلادیغی آنده دیكر بر اردو تداركیله علیهنه یورومش ایسه ده بر ایش كوره+میه+رك مغلوب و مقتول اولمشدر.
دسیوس) غایت خونریز و سفاك بر آدم اولوب مدت سلطنتی اولان ایکی سنه ظرفنده نیجه یوزبیك بیكناه خرستیانلری نفی و اعدام ایلدی. تواریخ اسلامیه+یه نظراً اصحاب كهفك اختفاسی دخی بونك زماننده اولدیغی اكلاشیلور ایسه ده عندالحساب دها اول اولمسی لازم كلیور.