درهم — سلطان (اورخان) زماننده ویریلان قرار موجبنجه درهم عثمانی درهم شرعینك ربعی اولدی. امر اعتباری اوله+ارق قیه تعبیر اولنان ثقلتك درت یوز جزؤده بر جزئیدر. درهمی درت قسمه تقسیم ایدرك بهر قسمنه دنك و بر دنكی درت قسمه تقسیم ایله بهر قسمنه قیراط و بر قیراطی درده تقسیم ایدوب بهر قسمنه بغدای و هر بغدایی درده تقسیم ایدرك هربر قسمنه فتیل و بر فتیلی ایكی+یه تقسیم ایدرك بهر قسمنه نقیر و بر نقیری ایكی+یه تقسیم ایله هر بر قسمنه قطمیر و بر قطمیری ایکی+یه تقسیم ایدوب هر بر قسمنه ذره دیدیلر و برده بر بچق درهمه بر مثقال و قرق درت قیه+یه بر قنطار و درت قنطاره بر چكی تعبیر و بر قنطاری یوز لودره اعتبار ایدیلر.