درنه یاخود (دارنیس) — افریقاده بنغازی ولایتی داخلنده و ساحل بحرده بر قضا مركزیدر و طرابلس غربك جانب شرقیسنده سكز یوز طقسان و (بنغازی)نك جنوب شرقی جهتنده ایكیوز یكرمی بش كیلومترو مسافه+ده كائندر اراضیسی غایت محصولدار ایسه ده اكثریا بدویلرك ایقاع ایده+كلدكلری نهت و غارات و بعض دفعه وقوعبولان طاعون بلیاتی ترقیسنه مانع اولدی درنه+نك مرعالری كوزل و یاغی اعلا و هواسی لطیف وتجارتی اولدقجه ضررسزدر.