درفش — ملوك پیشدادیاندن (ضحاك ماری) علیهنه خروج ایدن بر تیمورجینك حین اختلالده آچدیغی دریدن معمول بیراقدر. (درفش كاوه) دخی دیرلر. بو بیراق فریدوندنبرو ملوك فرس عندنده غایت معتبر و مستغرق انواع زر و زیور اولوب تیمناً هر بر محاربه+یه كتوررلر ایدی. (٦٣٦ م و ١٠ ه) تاریخنده اسلامله ایتدكلری (قادسیه) محاربه+سنده دخی برابر بولندیردقلرندن وقوع مغلوبیتلری اوزرینه غنائم سائره ایله برابر اسلام الینه كچمشدر. كاوه كلمه+سنه دخی نظر بیوریله .