درزی نام دیكری اتروره — سوریه+ده عكا سنجاغنده بر قوم اولوب جبل لبنانك جهت غربیسیله صیدا اراسنده و بحر سفیدك ماطالنده بولنان بالجمله جبل لبنانده ساكندرلر مجموع نفوسی یوز التمش بیك راده+سنده اولوب حین حاجتده بونلردن قرق بیكی سلاح التنه آلنه+بیلور. درزیلر جنكاور و مهماننواز كمسه+لر اولوب اون برنجی عصر میلادی اوائلنده مصر حكمداری بولنان (حاكم بأمرالله)ك الوهیتنه قائل اولمشلر ایدی دائما دیرالقمر نام محلده ساكن اولان بیوكلرینه حاكم دیرلر. حاكم (بامرالله)ك مشاورلرندن (درزی) نامنده بری مصرده ظلم و تعدی كورمش اولان هممذهبلرینی سوریه+یه كتوردیكی ایچون درزیلر اشبو نامی آلدیلر.
بونلر دولت علیه+یه چوق وقت عصیان و مخالفت اوزره بولنوب (١٥٨٧ م و ٩٩٧ ه) تاریخنده سلطان مراد ثالث حضرتلرینك صدمۀ تأدیبیله ویركویه ربط اولنمشلردر. (١٨٤٢ م و ١٢٥٨ ه) تاریخنده دولت علیه بونلره ینه
كندو ایچلرندن بر رئیس نصب ایلدی. درزیلر شمال جهتلرینه دوشن خرستیان مارونیلر ایله هر بار محاربدرلر (دیرالقمر) كلمه+سنه دخی مراجعت بیوریله.