درجه — علم هندسه+ده بر دائره محیطنك ٣٦٠ قسمنده بر قسمنه اطلق اولنور و بر درجه ٦٠ دقیقه و بر دقیقه ٦٠ ثانیه و برثانیه ٦٠ ثالثه اعتبار ایدیلور زاویه+لری مساحه ایتمك ایچون قوللانیلان وسائط مذكوره زاویه+لری رأسلری مركز اوله+رق رسم اولنان دائره محیطنك زاویه+نك ضلعلری اره+سنده محصور قوسنك مقدار درجه+سیله تقدیر ایتمكدن عبارتدر. علم هیئتده كواكبك میل و مطالعی و كرۀ ارض اوزرنده بر نقطه+نك طول و عرضی درجه و دقیقه و ثانیه ایله تقدیر اولنور. فرانسه مهندسین مشهوره+سنك تقسیم اراضی قواعدینه تطبیقاً اجرا ایتدكلری حساباتن اكلاشلدیغنه كوره كرۀ ارضك نصف النهار دائره+سندن بر درجه+لك طول (پرو) ممالكنده ٥٦٧٥٠ تواز یعنی قولاج و فرانسه+ده ٥٧٠٦٠ تواز و (الاپونیده) ٥٧٤٢٢ تواز اولدیغندن ارضك تمامأ كره شكلنده اولمیوب قطبلر طرفی دوزجه اولدیغنه حكم اولنمش و بو حسابه كرۀ ارض نصف النیار دائره+سنك ربع محیطی (٥,١٣٠٧٤٠) تواز اولوب بونك اون ملیون جزئنده بر جزئنه ده (مترو) نامی ویریله+رك فرانسه+ده واحد قیاسیء طول اتخاذ ایدلمشدر محیطك ٣٦٠ قسمه تقسیمی پك قدیم اولوب انجق كیملر طرفندن و نه تاریخده ایدوكی مختلف فیهدر.