دربند — آسیای روسیده قافقاسیه ممالكندن بر شهر شهیردر وقتیله طاغستانك مركز ادارە+سی ایدی اشبو شهر بحر حززك ساحل غربیسی قربنده و تفلیسك شمال شرقیسندن اوچیوز كیلو مترو مسافه+ده واقع و اون بیك نفوسی جامعدر و دائراً مادار قله+لی سورلر ایله محاط اولدیغی كبی برده ایج قلعه+سی واردر و چارشو و جامعلری منتظم و زعفرانی مشهوردر. بوكا شرق اهالیسی تیمور قپو و افرنج (البانی) دیرلر بعض روایته كوره تیمور قپونك مؤسسی اسكندر اولوب نوشیروان مؤخراً استیلا و ممكن مرتبه تحكیم ایتدی و یدنجی عصره طوغری ید اسلامیانه کچدی. هارون رشید چوق كره تیمور قپویه كیدە+رك اوراده اقامت ایلمشدر (١٧٢٢ م و ١١٣٥ ه) تاریخنده روسلر اشبو شهری عجملردن آلوب صكره اعاده ایتمشلر و (١٧٩٥ م و ١٢١٠ ٥) تاریخنده تكرار استیلا ایلمشلردر.