دراغون — اسكی یونانیلرك اعتفادنجه غایت مهیب بر حیوان موهوم اسمیدر بو حیوان ابنای بشرك خصمی اولدیغندن (میكائیل) علیه السلام یره چارپوب حضرت مریم دخی قفاسنی ایاغی التنده ازمش ایمش باشی ارسلان و قویروغی بالق كبی اولمق اوزره بعض بنالر و سلاحلر اوزرینه ترسیم ایدرلر و هندستان طرفلرنده پرستش ایلرلر ایدی تعریفلرینه كوره (اژدرها) دیدیکمز موهوم حیوان بو حیوان اوله+جق. بعضاً بیوك ییلنلره دخی اطلق اولنور (١٥٥٠ م و ٩٥٧ ه) تاریخنده فرانسه+ده دراغون نامیله بر قاج الای سواری عسكری ترتیب اولنمشدر.
علم حیواناتده بیان اولندیغنه كوره هندستان طرفلرنده كرتنكله جنسندن كوچك و ضررسز و اغاجلر اوزرنده كزر اویله بر حیوانجق وار ایمش و دراغون بروج شمالیه+دن بر برجه دخی شكل و نام اولمشدر.