داود بن نصرالطائی — ائمۀ مجتدیندندر. امام (ابو حنیفه) حضرتلرینك شادانندن اولوب یكرمی سنه حلقه تدریسلرینه مداومت و معروف كرخی و حبیب عجمی حضراتندن اكتساب فیض و همت ایلمشدر زهد و رشادتده (ابراهیم ادهم) حضرتلریله همعنان بولنور و مریدلرینه (ایها المریدان اردت السلامة سلم علی الدنیا واردت الكرامة كبر علی الآ خرة) بیورر ایدی. اجتهاد ایتدیكی مذهب منسیدر. فقهده صدر نشین
فقها اولدقدن صكره استادلری ابو حنیفه حضرتلرینه كلوب بوندن بویله نه كاره شروع ایدە+یم دیدكده مشار الیه (علیك بالعمل فان العلم بلاععل كالجسد بلاروح) بیورمشلردر. هرون رشید ایله امام ابی یوسب بر كون زیارتنه كلدكلرنده (بنم اهل دنیا ایله ایشم یوقدر) دیو قپویی اچمامش و صكره والده+سنك الحاحنه طیانه+مدیغندن قبول و فقط هدیه+لرینی قبولدن عدول ایدرك سرد ایتدیكی نصایح مؤثره ایله هر ایكیسنی اغلاتمشدر. ارتحاللری (٧٨١ م و ١٦٥ ه) تاریخنده ایدی.