داود علیه السلام — نبوتله سلطنتی بر آرە+یه جمع بیورمشدر (٤٥٥٤ خ) تاریخنده یعنی میلادك بیك قرق یاخود ١٠٤٩ یاخود ١٠٦٨ سنه مقدمنده ملك (شاوول) عمالقه محاربه+سنده مقتول دوشمكله (شمویل) علیه السلامك دلالتیله (اورشلیم)ده بولنان (سبط یهودا)یه و صكره بتون اسباط بنی اسرائیله پادشاه اولمش و (سوریه) و (ادوم) ولایاتنه و فرات نهوندن بحر سفیده قدر اولان ممالكله بحر احمر ساحلنده بر قاچ لیمان و دوننمایه و بش ملیونی متجاوز نفوسه مالك بولنمش ایدی. اوتوز
طقوز سنه سلطنتدن و بیت مقدسك اساسنی وضع ایتدكدنصكره زمام حكومتی مخدومی (سلیمان) علیهالسلامه ترك و تسلیم و اون بش سنه دها معمر اولارق (٤٥٩٣ خ) تاریخنده و یتمش یاشنده عزم دارالنعیم ایلدی. داود علیه السلام مناجاتنده الَهی نه كیفیتله سنك نعمتلرینك شكرینی ادا ایده+بیلورمكه بنم شكر اتمكه قدرتیاب اولدیغم دخی سنك جانب عزتكدن احسان بیورلمش بر نعمتدر دیو اعتذار ایلدكده جانب جناب حقدن اشته شمدی نعمتلریمك شكرینی ادا ایتدك دیو وحی الهی ظهور ایلدی حسن صورت و الحانده مشارالیه حضرتلرینه اقران وجودپذیرای عرصۀ جهان اولمامشدر. (شاوول) و (سلیمان) و (بیت مقدس) كلمه+لرینه دخی نظر بیوریله .