دانیمارقه — شمالی اوروپاده بر كوچك قراللق اولوب اوچ جهتی دكزایله محاط و یالكز جنوب طرفی شیلزویق دوقه+لغیله بره ملتصقدر نفوسی بر ملیون طقوز بیك+دن عبارت و مقر اداره+سی (قوپنهاق) شهریدر. اشبو مملكت ایكی+یه منقسم اولوب برنجیسی (ژوتلاند) شبه جزیره+سی ایكنجیسی (زلاند) (فیونی) (لالاند) (فالستر) (بورنهوم) (اسلاند) دانیمارقه جزیره+لریدر بونلرك هواسی آز شدتلی ورطوبلی ایسه ده مرعالری غایت منبت اولوب بر چوق كوزل آتلر و حیوانلر بسیلنمكده+در و بالجمله اهالیسی اسقاندیناو و جرمان نسلندندر. صنایعی یلكن بزی چوقه پورسلین و اسلحه+دن عبارت اولوب اسقاندیناو نامیله الدیوانلر دخی اعمال
ایدیلور تجارتی خیلی زماندنبرو كركی كبی رواجلی و فنون و معارف اپیجه منتشردر
دانیمارقه برنجی عصر میلادی اوائلنده (ژت) یاخود (غوت) لر و(سبمر) و (انكل)لر طرفندن مسكون ایدی غوت پرنسلرندن پك چوغی اوراده قاعد مسند قرالی اولدی.
دانیمارقه+لیلر بر عصر دوام ایدن یغماكرلكلری اثناده المانیا و اسپانیا و بیوك بریتانیایی تخریب ایلدیلر و انكلتره+یی ایكی دفعه كاملاً ید استیلالرینه كچوردیلر ایسه ده اوراده+کی حكومتلری (١٠٤٢ م و ٣٤٣ ه) تاریخنه دكین انجق امتداد ایده+بیلدی و (١٢٢٠ م و ١٠٧١ ه) تاریخنده عقد اولنان قوپنهاق معاهده+سی موجبنجه غوتی ایله سود اوزرنده اولان نفوذ حكمرانیسی غائب ایلدی و بش سنه صكره اهالینك اعیانه قارشو چیقاردقلری بر اختلال قرالك اقتدار مستقله مالك اولمسنی موجب اولوب قرال مملكتك عمرانی ایچون تدابیر لازمه+یی اتخاذ و قوانین و نظاماتی تعدیل و اصلاح و اسارتی فسخ و قانون حضورنده جمله+نك مساواتنی اعلان ایلدی و مؤخراً ناپلیونك اتفاقنه داخل اولدیغنه بناء (١٨٠٧ م و ١٢٢٢ ه) تاریخنده انكلیزلر قوپنهاقی طوپه طوتدی و یدی سنه صكره نوروج دخی دانیمارقه+نك الندن چیقدی و (١٨٦٣ م و ١٢٨٠ ه)ده المانیانك دانیمارقه+یه مربوط اولان هولستاین ایله شلزویقك استقلالنی طلب ایلمسی اوزرینه و قوعبولان محاربه دانیمارقه+یه پك بهالی اولوب نهایتنده هولستاین ایله شلزویق و لوانبورغ دوقه+لقلری دخی پروسیا ایله اوسریایه كچدی