ابدال — مصالح عبادده تصرف ایچون من عندالله مظهر خلافت اولان ذوات كرامك اسمیدر بونلر قرقی شام شریفده و اوتوزی اقطار
سائره+ده اولمق اوزره یتمش نفردن عبارت اولوب دائما امر خدا ایله معامله
ایدرلر و ایچلرندن بری وفات ایتدكده یرینه صلحای امتدن برینی انتخاب
ایلرلر ایمش (ان ابدال امتی لم یدخلوا الجنة بالاعمال بل دخلو ها بر حمة
الله و سخاوة الانفس و سلامة الصدور والرحمة للمسلمین) حدیث شریفی
ذوات مشارالیهمك حال و شانلرینی پك كوزل بیلدیرمش اولدیغندن بشقه
تعریفه حاجت یوقدر.
) ٩٦٢ م و ٣٥١ ه) تاریخنده مقتولاً وفات ایدن ابو الطیب عبد الواحد
بن علینك فن لغتدە تألیف ایتدیكی كتاب دخی (ابدال) نامنده ایدی.