داله+ری — جراثقال اربابندن بر ذات اولوب فرانسه+ده (میه+تس) شهرنده (١٧٥٤ م و ١١٦٨ ه) تاریخنده تولد و (١٨٣٥ م و ١٢٥١ ه) تاریخنده وفات ایلمشدر. اولا ارغنونك صورت اعمالنی و مؤخراً جواهرجیلكی تعلم و اكمالدن صكره ١٧٨٠ م تاریخنده بورولی قزغان ایله ایشلدیلور بر واپور ماكنه+سی اختراع ایلدی و واپورلرك اثنای سیر و حركتلرنده خلزونی استعمالنی برنجی دفعه اوله+رق كندوسی بولدی لكن مومی الیه بو اصول اوزره بر سفینه انشاسنه تشبثله بتون ماملكنی او یولده صرف و اتلاف ایلدیكی حالده اكماله موفق اولمدیغندن کمال مأیوسیتله سفینۀ مذكوره+یی پاره+لیوب ایچندن چیقدی.