دالماچیا — ادریاتیك دكزینك ساحل شرق شمالیسنده طولانی و آوستریا دولتی ادارە+سنده بر ایالتدر شمالاً (استیری) و خرواتستان شرقاً بوسنه جنوباً ارناودلق ایله تحدید و درت دائرە+یه تفریق اولنور (زاره) (سپالاترو) (راغوزه) (قتارو) ایله (ارب) (برازا) (بوا) كبی برطاقم اطه+لردن مركبدر و اجناس محتلفه اولمق اوزره درت یوز اللی بیك نفوسی محتوی اولان مقر اداره+سی (زاره) شهریدر. دالماچیادن (الپ دیناریك) سلسلهء جبالی کچر و اوه+لری (کربا) (ستیتنا) (تارانتا) نهرلریله اسقا اولنور داخلاً هواسی معتدل ایسه ده سواحلی صیجاقدر اراضیسی منبت و تجارتی الویرە+جك قدر رواجلی اولوب مرمر و تیمور معدنی و معدن كموری دخی بولنور. مستعمل لسانلری اسقلاوون لسانی ایسه ده بلاد ساحلیه+سنده ایتالیان لساننی دخی تكلم ایدرلر. وقتیله دالماچیا رومالولر طرفندن و متعاقباً بعض اقوام مختلفه+دن مركب بر قوتلی دولت تشكیل ایلمشیدی. میلادك ١٥٤ م و ١٥٦ سنه مقدملرنده (مار كوس فیغولوس) و (نازیكا كوركوروم) و اوتاریاتلر ایله سائر بعض قبائل و مؤخراً (مته لیوس) نامنده بریسی و غرب ایمپاطورلغنك زمان انحطاطنده (هروللر) دالماچیایی تحت اطاعتلرینه كچوردیلر مؤخراً استروغوتلر بر مدت تصرف ایدوب (ژوستنین) زماننده استانبول ایمپراطورلغنه الحاق ایدلدی. (٦٤٠ م و ٢٠ ه) تاریخندن صكره بر مدت (آوار)لره ویركو ویروب مؤخراً فرانق ایمپراطورلرینك حكمی التنه كیردیلر بونكله برابر (زاره) (ترو) (سپلاترو) راغوزه شهرلرندن متشكل اولان دالماچیای غربی (٨١٢ م و ١٩٧ ه) تاریخی عهدنامه+سی
موجبنجه روم ایمپراطورلغنه ترك اولندی. اشبو قوملر بر وقت صكره. تدریجاً كسب استقلال ایدوب خرواتلر ایله برابر سواحل قورصانلغنه باشلادقلرندن وندیكلیلر دالماچلر علیهنه مدت مدیده محاربه+لر آچوب اوننجی عصرده دالماچیایی ضبط ایلدیلر. و (١٠٥٢ م و ٤٤٤ ه) تاریخنده خروات حكمدارلرندن (كرسمیر نپیر) اشبو شهرلری بالتسخیر خرواتستان و دالماچیا قرالی عنواننی اخذ ایلدی مؤخراً اشبو قراللق دخی مومی الیه كرسمیر نپیرك خلفی (اتیه+ن)دن مجار قراللرینه انتقال ایدوب وندیكه یالكز (زاره) قالدی. و دها برقاچ انقلابدن صكره (١٨١٤ م و ١٢٣٠ ه) تاریخنده الیوم متصرفی اولان اوستریا حكومتنه انتقال ایتدی.