داكر — فن فطوغرافی موجدلرندن بریدر تولدی فرانسه+ده و وفاتی (١٨٥٧ م و ١٢٧٤ ه) تاریخنده+در.
بو ذات تزیینات و حلیات تصویرلرینه اهتمام ایدنلرك برنجیسی اولوب بو یولده شایان تماشا پك چوق رسملر اختراع ایلدی و (١٨٢٢ م) تاریخنده موسیو بتون ایله برابر (دیورامه)یی (دیورامه و شفاف هر ایكی طرفی مصور بر پرده+دركه قارشوسنه ضیا وضع ایدلدكده ایكی مختلف صورت كوسترر) بولدی و بر مدت صكره منقارب الشعاعات عدسه+دن تحصل ایدن خیالی ضیادن متأثر بر جسمك سطحنه تصادف ایتدیرمكله اول جسمك سطحنده ثابت طوردیرمق ایچون بر آلت ایجاد و رفیقی مشهور (ینه پس) ایله بر درجه+یه قدر اكمال و تجربه ایدوب مؤخراً (ینه پس) وفات ایلدیكندن اشبو آلت (داكررویتب) نامیله معروف اولدی و بو سایه+ده دولتی طرفندن خیلی مكافاته و سنوی التی بیك فرانق معاشه نائل اولوب (پتی بری)ده وفات ایلدیكی محله بقای نامی ایچون برده عمود ركز ایدلدی (فطوغرافی) كلمه+سنه دخی نظر بیوریله.