دارقطنی — اسمی علی بن عمر كنیه+سی ابوالخسن ولادتی (٩١٧ م و ٣٠٥ ه یاخود ٣٠٦ ه) وفاتی (٩٤٦ م و ٣٣٠ ه) تاریخیدر دارقطن مقدما بغدادده بر محله اسمی ایدی.
اشبو دارقطنی بغداد مشاهیر فضلاسندن بریدر علم حدیث و معرفت علل و اسماء رجال و معرفت رواة و معرفت مذاهب فقهاده امتیاز و تفرد كندوسنه منتهی اولمش و بونلردن ماعدا صدق و امانت و صحت اعتقاد و عدالت و انصاف ایله اتصافده مشار بالبنان بولنمش ایدی شعر و ادبده دخی خیلی شهرت قزانمشدر حافظ ابو نعیم و ابو بكرالبرقانی و جوهری و قاضی ابو الطیب الطبری مومی الیهدن احادیث شریفه روایت ایلمشلردر.