لغات تاریخیه و جغرافیه

Lugat-ı Tarihiyye ve Coğrafiyye

ابو الهول

ابو الهول — اسکی مصرلیلرك فراست آلهه+سی اعتقاد ایتدكلری شخص موهومك صورت مثالیه+سی اوله+رق یاپدقلری هیكللرك اسمیدر. بو هیكللر باشی و كوكسی كنج قزه و اشاغیسی ارسلانه مشابه اوله+رق قیچی اوستنه اوتورمش صورتده یاپیلور ایدی بونلر الیوم مصر علیاده اسكی )تب) شهری خرابه+سی جوارنده و یول اوزرنده و اك بیوكی ایكنجی اهرامك جهت شرقینده و نصفی قوم ایچنده كورلمكده+در اشبو بیوك ابوالهول یرلی بر قیا اوییله+رق یاپلدیغی جهتله پك بیوك و یردن باشنه قدر ارتفاعی یكرمی سكز مترودر. یونانستانده واقع دیكر (تب) شهر عتیقنده دخی ابو الهول هیكللری موجود اولوب بونلرك فضله اوله+رق بررده قنادلری واردر. اشبو ابو الهوللرك وقتیله دلفی طریقی اوزرنده طوروب یولجیلره بیلمجه صوردقلری و بیلمجه+یی حل ایده+میانلری دكزه اتدقلری و حل اولندیغی حالده كندولر اتلدقلری خرافات یونانیه+دندر