لغات تاریخیه و جغرافیه

Lugat-ı Tarihiyye ve Coğrafiyye

دارای ثالث

Dârâ-yı Sâlis

دارای ثالث — كیانیاندن فرس پادشاهی اردشیرك احفادندندر خادم اغاسی (باكواس) ك تأثیر نفوذ و تدبیری ایله (٥٢٥٨ خ) تاریخنده یعنی میلادك اوچیوز اوتوز التی سنه مقدمنده مالك تخت و تاج اولدی. اسكندر یونانی برقاچ یرده اردوسنی تارومار و (ایسوس) محاربه+سنده بتون خزینه+سنی ضبط ایله اولاد و عیالنی زنجیر اسارته كرفتار ایلمش و اربیل محاربه+سنده دخی بوزلدیغی جهتله فراراً تركستان یولنی طوتمش ایكن كندی صدرابلرندن باقتریان والیسی (بسوس) یدیله قتل ایدلمشدر. لقبی قودومان ایدی (باكواس) و (اسكندر) كلمه+لرینه دخی نظر بیوریله