لغات تاریخیه و جغرافیه

Lugat-ı Tarihiyye ve Coğrafiyye

دارای اول

Dârâ-yı Evvel

دارای اول — (سمیردیس)ك خلع و قتلندن صكره یعنی (٥٠٧٦ خ) تاریخنده انتخاب امرا ایله جلوس ایلدی. ممالك ایرانیه+یی ایكیده بر خساره اوغرادان (سیقت) طائفه+سنی تأدیب ایچون استانبول و طونه و افلاق طریقیله ایچرولره طوغری كیدوب و طائفۀ مرقومه تدریجا كیرو چكلدکجه تعقیبه دوام ایدوب نهایت صوسز و خالی چوللره. دوشرك عسكرینك اكثری تلف و كندوسی دخی كوچ حالیله عودت ایلدی و (٥١٠٤ خ) تاریخنده یعنی میلادك درتیوز طقسان سنه مقدمنده مباشرت ایتدیکی برنجی (مدیق) محاربه+سنده دخی معیتنده برقاج یوز بیك كشیلك بر اردو اولدیغی حالده یونانیلرك اون بر بیك عسكرینه مغلوب اولوب یالكز هندستانجه بعض فتوحات مهمه و جسیه+سی كورلدی. زمان سلطنتنده ممالكی یكرمی ولایت یاخود صدر ابلغه منقسم ایدی یول آچمق پوسته ایشلتمك كبی آثار نافعه+سی واردر و ایرانده ابتدا سكه ضرب ایدن بودر. نظامینك خمسه+ده سویلدیكنه باقیلورسه یونانیلرك عسكری بش بوز بیك ایمش هرنه حال ایسه تاریخده یونانیلرك مبالغه+سی عجملرككندن پكده اشاغی قلمز.