لغات تاریخیه و جغرافیه

Lugat-ı Tarihiyye ve Coğrafiyye

ابو هریره

Ebû Hüreyre

ابو هریره رضی الله عنه — اصحاب صفه+دندر و مولدی یمن اسمی عبدالرحمن+در. غایت لطیفه كوو منشرج بر ذات ایدی و حفظنده بشبیك التی یوز التمش بش حدیث شریف وار ایدی. كدی+یی پك چوق سودیكندن بو كینه+یی علیه الصلاة والسلام افندمز قویمش و مشار الیه الی اخرالعر بو كینه ایله افتخار اتمشدر. بر دفعه علیه الصلاة والسلام افندمزك بكا احسان و اعطا بیوردیغی معلومات ایكی نوعدر برینی خلقه اعلان و دیكرینی كتم ایدرم اكر او كتم ایتدیكمی سزه سویلیه+جك اولور ایسه+م بنی قتل ایدرسكز بیوردی. مشارالیه بر وقت مدینۀ منوره+ده بیت الماله عائد خرمالقلرك حراستنه مأمور اولمشیدی او اثناده شیطانی اوچ دفعه خرما چالار ایكن یقالار و شیطان ایكی دفعه+سنده برر صورتده تملقله یقایی قورتارر ایسه ده اوچنجیسنده قورتاره+مز و نهایت بنم شرمدن خلاصك طریقنی سكا اوكردیر ایسه+م براغورمیسك دیوب (ابو هر یره) دخی موافقت اتمسیله (آیة الكرسی) اوقویان بنم شرمدن خلاص اولور دیر و ابو هریره شیطانی براغوب كیفیتی علیه الصلاة والسلام افندمزه بیان ایتدكده (آیة الكرسی)نك شر شیطاندن محافظه+سنی تصدیق بیورر.