خیوه — خوارزمده قیرقیز اراضیسنك جهت غربیسنده ًو نهر جیحون كنارنده بر خانلغك مركز اداره+سیدر. اشبو خانلق شمالا بحر آرال و قیرقیز صحاریسی شرقاً نهر جیحون و جنوباً بخارا و غیر مثمر و قومسال چوللر ایله تحدید اولنور جسامتجه تركستاندن بیوك ایسه ده همان جمله اراضیسی چولدن عبارتدر كاربانلری اورنبورغ اژدرهان عجمستان و افغانستان طرفلرینه آمد و شد ایدرلر.
روسیه ایمپراطوری دلی پترو بورایی استیلا هوسیله عسكر سوق ایتدیسه ده الینه مغلوبیتدن بشقه بر شی کچمیوب اندن صكره وقوعبولان هجوملر دخی كذلك نتیجە+سز قالمش اولدیغی حالده مؤخراً یعنی (١٨٧٣ م و ١٢٩٠ ه) تاریخنده جنرال )قوفمان) قوماداسیله اوچ قولدن یورییان روسیه عسكری طرفندن ضبط و استیلا و دروننده هیج بر وجدان انسانینك تجویز ایتمیه+جکی انواع ظلم و شناعتلر اجرا اولنمشدر. هول جان ایله او صره+ده فرار ایدن خان اكرچه بعض تأمینات ایله جلب و یرینه اقعاد اولندیسه ده رسمی اولوب حقیقت حال خیوە+نك بر قسمی روسیه اداره+سنه کچمش و قسم دیكری مستقلاً اداره ایدلمكده بولنمش اولمسندن عبارتدر. خیوه شهرینك اسلام اوله+رق اون بش بیك تفوسی و ایچ قلعه دروننده اوتوز قدر جوامع شریفه و مدارسی واردر. خیوه حمایه+سنده الیوم قره قالپاق و تركمان و تاتار قبائلندن التی یوز بیك نفوس مسلمه اولدیغی كبی هنوز روسیه اداره+سنه کچمیان قسم مستقلنده دخی كذلك اسلام اوله+رق یدی یوز بیك اهالی واردر.