لغات تاریخیه و جغرافیه

Lugat-ı Tarihiyye ve Coğrafiyye

خیزران

خیزران — خلفای عباسیه+نك اوچنجیسی اولان (مهدی) خلیفه+نك بر قیمتلی جاریه+سیدركه مخدوملری (هادی) ایله (هارون) بوندن تولد ایلدی مومی الیها ادیبه و شاعره اولمغله خلیفه مشارالیه ایله بینلرنده مطایبات كثیره وقوعبولمشدر ازجمله بر كون حمامدن چیقوب آینه+یه نظز ایلدكده رخسارینی برك كل كبی ژاله دار عرق اولمش كورمكله صفحۀ دیواره اشبو (اناالتفساحةالحمرا علیحاالطل مرشوش) مصراعنی یازوب كیتمش و خلبفه دخی مصراع مذكوری كورە+رك التنه (وفرج عرضهاشبر علیها العهن منفوش) مصراعنی علاوه ایتمكله خیلیجه ملاطفه+یی موجب اولمشدر. خیزران عصر خلافت هادیده مهد علیالق علاقه+سیله امور دولته بالكلیه مداخله ایلیوب اصحاب مصالحه بیاغی مرجع مستقل اولدیغی و حتی اوغلی هادینك اولبابده واقع اولان بر اخطار مشتكیانه+سنی و علی قول تسمیمی تشبثنده بولنمسنی هضم ایده+میه+رك جاریه+لرینه امرایله مشارالیهی قتل ایتدیریكی روایات تاریخیه+دندر مومی الیها (٧٨٩ م و ١٧٣ ه) تاریخنده وفات ایلدی. )خیزران) اولاد جناب علیدن محمد التقی حضرتلرینك دخی والده+لری اسمیدركه اوده جاریه جنسندن ایدی علی قول اسمی (ریحانه)در.