خیرالدین پاشا — بیوك قرنداشی (اورج غازی) بكك یرینه انتخاب اهالی ایله جزایر امیری اولدقدن صكره (١٥٣٣ م و ٩٤٠ ه)ده یكرمی سفینه و بعض هدایا ایله درسعادته کلوب جزایرك ممالك دولت علیه+یه الحاقنی التماس ایلدیكندن مظهر قبول و طبل و علم اعطاسیله والیلکی ینه كندو عهده+سنه محمول اولدیغی حالده بر سنه صكره قپودانلق ویرلدی. مشار الیه غایت شجیع و بهادر و خصوصاً ادارۀ امور بحریه+ده مثلی نادر بر ذات اولوب طقوز سنه امتداد ایدن قپودانلغی اثناده ایتالیا و اسپانیا سواحلنده پك چوق مواقعله تونسی تسخیر و (قستل نوو) و (قندیه)یی قهر و تدمیردن بشقه (نیس) محاربه+سنده فرانسزلره معاونت و بر دفعه دخی وندیك و اسپانیا و پورتكیز دولتلرینك مشهور قپودان (اندریا) قومانداسنده بولنان یوزیكرمی سكز قطعه دوننماسنی پرە+وزه آچیقلرنده غرق كرداب مغلوبیت اتمسنه بناء طوفان شهرتی افطار عالمی طوتمش ایدی. (١٥٤٦ م و ٩٥٣ ه) تاریخنده كشتی سوار دریای رحمت اولمشدر. برادری مشارالیه (اورچ غازی) دخی اصحاب بسالتدن بری اولوب (١٥١٦ م یاخود ١٥١٨ م)
تاریخنده جزایر (تلمسان)ی عربلردن آله+رق مسندنشین امارت اولدی و ایکی سنه صكره اسپانیا قرالی شارل (كنت)ك وقوعبولان هجوم و غلبه+سنده شهیداً رحلت ایلدی. بو قرنداشلرك ایكیسی ده قرمزی صقاللی اولدقلرندن اوروپلرجه (بارباروس) نامنی آلمشلر ایدی روایته كوره بونلر سچلیالو بر مهتدینك اوغللری ایمش. (بارباروس) كلمه+سنه دخی مراجعت بیوریله .