خیبر — مدینۀ منوره ایله شام شریف آره+سنده و مدینۀ منوره+یه اوتوز ایكی فرسخ مسافه+ده بش قلعه و برقاج حصاردن عبارت خرمالق و مزرعه+سی كثیر بر مملكتدر اولجه مدینه جوارندن طرد اولنان یهودیلرك اوراده اجتماع ایتدكلری و شام شریفه كیدوب كلان تجارك شرلرندن امین
اوله+مدقلری و مدینه+ده بولنان بعض منافقین ایله مخابره ایتدكلری استخبار اولدیغندن (٦٢٨ م و ٧ ه) تاریخنده علیه الصلوة والسلام افندمز بیك التی یوز عسكر ایله كیدوب اون كون محاصره ایله فتح و دروننده ساكن یهودیلره و حین عودتده حرباً استیلا اولنان (وادی القری) اهالیسنه و عرض انقیاد ایدن (تیما) و (فدك)لیلره مناسب ویركولر طرح ایدرك عودت بیوردیلر. حای مهمله ایله (حیبر) دخی یازیلور.