خواص — اسماء الله و آیات كریمه و بعض ادعیۀ ماثوره+نك خواصندن بحث ایدر بر علمدر بوده بر قاچ نوع اولوب بر طاقمی یالكز تعین ایدیلان عدد و اصول اوزره قرائت اولنور (امام غزالینك) (جنة الاسما)سی و شیخ شهاب الدین سهروردینك (مناجات اربعین)ی كبی. بر طاقمی دخی اسماء و آیات كریمه+دن مناسبلرینك حروفی اربابی نزدنده معلوم قواعده توفیقاً بسط و تكثیر ایله ویاخود وفق شكلنه قونلمق ایله اولور اسماء طائیه و وفق قدوسی كبی بعضاً دخی اسماء مذكوره هند و عبران حروف قدیمه+سی اوزره قرائت اولندیغی واردر.