خوارق عادات — علم كلامدندر حق تعالینك خلقیله ناسدن صدوری معتاد اولان امور حادثه+دن خارج امتناع ذاتیسی اولمیه+رق ظهور ایدن اموره اطلاق و التی قسمه تقسیم اولنور. انواع مذكوره+نك برنجیسی انبیای كرامدن بعدالبعثه صادر اولان معجزات . ایكنجیسی قبل البعثة ظهوره كلان ارهاصات . اوچنجیسی بر نبی+یه تابع اولوب جناب حقك ذات و صفاتنی بحسب طاقة البشریه عارف و طاعانه مواظبتله معاصیدن صمیمی مجتنب و لذایذ و شهواته انهماكدن معترض اولان ذاتدن ظهور ایدن كرامات. دردنجیسی بعنایة الله تعالی مكر و محنتدن رهایاب اولمق ایچون عوام مسلمیندن ظهور ایدن معونات. بشنجیسی ایمان و عمل صالحه مقارت اولمیان شخصدن بحكمة الله تعالی مقصودینه مطابق صدور ایدن استدراجات. التنجیسی ایمان و عمل صالحه مقارن اولمیان شخصدن مطلوبی خلافنه و قوعبولان اهاناتدر.