لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
خواجه زاده
Hâcezâde
خواجه زاده — اسمی مصطفی مصلح الدیندر. افاضل علمادن ایدی. اوائل حالنده پدرینك تجارته تشویقنه قارشو عدم موافقتله اغبرارینی جلب ایدرك فوق الغایه فقر و فاقه+یه دوشدی ایسه ده نتیجه+سنده سلطان محمد ثانی كبی بر پادشاه عالی جاهه خواجه+لق نعمت عظماسنه نائل و حضور شاهانه+ده مشاهیردن (منلا زیرك) ایله توحید حقنده یدی كون دوام ایدن مباحثه+ده غالب اوله+رق مشهور (منلا خسرو)دن صكره دخی استانبول قاضیسی اولمشدر. مؤخراً صدر اعظم محمد پاشا بعض خصوصدن طولایی كوجندیكیچون (خواجه زاده) استانبولك هواسنی بكنمیور ازنیقی استیور دیه+رك پادشاهی اغفال ایلدیكندن عهده+سنه ازنیق مدرسلكی توجیهیله استانبولدن چیقارلدی. اواخر عمرنده ایكی ایاغفیله صاغ الی معطل اولدیغی حالده سلطان (بایزید)ك امریله (شرح مواقف) ه حاشیه یازدی لكن بتورە+میه+رك (١٤٨٧ م و ٨٩٣ ه) تاریخنده وفات ایلدیكندن تلامیذندن منلا (بهاءالدین) اكمال ایلدی. اسرار منطقه دائر (تهافت) نامنده بر كتابی و شرح مواقف و اصول اوزرینه حواشیء مقبوله+سی واردر. قبری بروسه+ده+در. (زیرك) كلمه+سنه دخی نظر بیوریله .