خواجه پاشا — استانبولده مشهور خواجه پاشا جامع شریفیله خواجه اویس مسجد منیفنك بانیسی خواجه اویس پاشادر قضاتدن ناظر محمد افندی نام ذاتك اوغلی اولوب علم و معارفله مشهور ایدی. مصر والیلكندن معزولاً انفصال ایدرك استانبوله كلدیكنده (٩٩٩ ه) تاریخنده مقتولاً فوت اولمش و مذكور مسجدینك محرابی اوكنه دفن اولنمشدر. مشارالیهك مشاهیر علادن داعی حسن نامنده بر برادری ادرنه قاضیسی ایكن (٩٩٣ ه)ده وفات ایتمش و رمضان پاشا نامنده بر برادری دخی استانبول قاضیسی ایكن مشارالیه داعیدن طقوز سنه مقدم چاك جامۀ حیات ایلمشدر مذكور مسجد مقابلنده اولان تربه سلطان سلیمان قانونینك كیلار كتخداسنك اولوب چاشنیكیر تربه+سی دیو معروفدر.
)خواجه پاشا) (١٤٨٦ م و ٨٩١ ه) تاریخنده وفات ایدن (تذكرة الاولیا) صاحبی یوسف سنان بن خضرك دخی لقب مشهوری ایدی.