خنساء — عصر جاهلیه+ده اسلامی ادراك ایلیانلردن اولوب شعر و انشاده كندیسی كبی ماهر بر زن دها دنیایه قدمزن اولمامش و شجاعت و بسالتده دخی عدیلی اوله+جق بر قادین هنوز اناسندن طوغمامشدر شاعر شهیر (جریر)ه علی العموم ایی شاعر كیمدر دیو صوردقلرنده (انالولا هذه الفاعلة) دیمشدر شاعر مشهور (بشاربن برد) دخی (قادینلردن جهت جامعه ایله شعر سویلیان یوقدر) دیوب (خنساء نصلدر) دیدكلرنده (انك درت خصیه+سی واردر) دیمشدر مع مافیه بو سوزلر مشار الیها حقنده منافیء ادب اولوب چونكه كندوسی حضور حضرت نبویده قبول اسلام ایله صحابیه+لك شرفنی احراز و عهد خلافت (عمرالفاروق)ده وقوعبولان قادسیه محاربه+سنده حمیت اسلامیسنی ابراز ایلمش بر خاتون جلیلة القدردر ابن اثیرك نقلنه كوره علیه الصلوة والسلام افندمز حضرتلری اشعار خنسایی كندی اغزندن استماعه رغبت بیورە+رق بالذات حضور همایونلرنده خنسا شعر سویلدکجه كمال استحسانلرندن (هیه یا خناس) بیوررلر ایدی.
ابیات آتیه مشارالیهانك تسلیمكردۀ ادبا اولان آثارندندر.
تعرفنی الدهر قرعاً وغمزاً * واوجعنی الدهر نهشاً ووخزا
وافنی رجالی فبادواجمیعاً * وا صبح قلبی لهم مستفزا
كائن لم یكو نواحمی یتقی * من الناس اذذاك من عزیزا
ًوكا نو اسراة بنی مالك وزین العشیرة مجداً وعزا
وهم فی القدیم ضخام الادیم والكائنون من البأس حرزا
بشم الرماح و بیض الصفاح فبالبیض ضربا وبالسحر وخزا