لغات تاریخیه و جغرافیه

Lugat-ı Tarihiyye ve Coğrafiyye

خمورسز / فصح

Hamursuz

خمورسز یاخود (فصح) — امر آلهی و حضرت (موسی) علیه السلام دلالتیله مصردن چیقان بنی اسرائیلك اثنای طریقده مایه+سز خمیردن یاپوب ییدكلری یوفقه+دركه موسویلر بونی اولوقت دینداشلرینك چكدكلری مصائبی تذكر و فرعونك شرندن سمت نجاته چیقدقلرینه تشكر ضمننده هر سنه یدی كون یمكی عادت ایتمشلر و بوكونلره (خمورسز) بیرامی نامنی طاقمشلردر بو بیرام هر سنه نساننده ماه عربینك اون بشنه تصادفف ایدن كوندن اعتبار اولنور. انلرجه اك مسرتلی كونلر بو كونلر اولمسی و یاپیلان یوفقه+لر او سنه+نك قوزی و اوغلاقلریله ینلمسی جای دقتدر. فرعونك بنی اسرائیل اولادینی ذیح و اعدامی تخطر اولنمق ایچون دخی مقدما كسدكلری قربان قانلریله قپولرینی بویلرلر ایدی.